Gaming.AZ Zəmanət şərtləri

Bizdən kompüter, noutbuk və ya digər texnika alarkən, satdığımız bütün mallara zəmanət verilir. Tipindən və modelindən asılı olaraq zəmanət müddəti 14 gün və ya 3 il müddətinə qədər olur. Satdığımız bütün texnika tam orijinal və zəmanətlidir. Biz daima öz müştərilərimizin məmnuniyyətini düşünürük. Bizdən alınan texnikanın zəmanət vaxt və bitmə müddətini saytımızda online olaraq yoxlaya bilərsiniz. Hətta zəmanət talonu itdikdə belə sizin üçün problem olmayacaq. İstənilən an əlinizdəki qurğunun seriya nömrəsini qeyd etməklə zəmanət müddətini online olaraq görə və çap edə bilərsiniz.
Zəmanət şərtlərimiz talonda öz əksini tapacaqdır.

1.  İstehlakçı müqavilə və ya digər qaydalarla müəyyən olunmuş zəmanət müddəti ərzində aldığı malda qüsur və ya saxtalaşdırma aşkar edərsə, öz istəyinə görə satıcıdan və ya istehsalçıdan aşağıdakıları tələb etmək hüququna malikdir: lazımi keyfiyyətli mala dəyişdirməyi, satış qiymətini uyğun məbləğdə azaltmağı, malın qüsurlarının icraçının (satıcının, istehlakçının) hesabına aradan qaldırılmasını və ya qüsurların aradan qaldırılması üçün istehlakçının və ya üçüncü şəxslərin çəkdiyi xərclərin əvəzinin ödənilməsini, malın, həmin mala uyğun digər modelli (markalı, tipli və i. a.) mal ilə, dəyəri yenidən hesablanma şərti ilə əvəz edilməsini, müqavilənin ləğv edilməsini və çəkdiyi zərərin ödənilməsini təmin etməlidir.

2.  Lazımi keyfiyyətli qeyri-qida malı öz formasına, ölçüsünə, fasonuna, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçının onu alındığı yerdə uyğun mala dəyişdirmək hüququ vardır.  

   İstehlakçı malın alınma günü sayılmamaq şərti ilə, 14 gün ərzində həmin malı lazımi keyfiyyətli mala dəyişdirmək hüququna malikdir. Pərakəndə satılan malın dəyişdirilməsi üçün satıcı tərəfindən daha uzun müddət elan edilə bilər. 

   İstehlakçı tərəfindən əldə edilmiş lazımi keyfiyyətli mal istifadə olunmayıbsa və onun əmtəə görünüşü, istehlak xassələri, plombu, yarlığı, həmçinin mal və yaxud kassa qəbzi və ya ona mal ilə birlikdə verilmiş digər sənədləri saxlanılıbsa, bu hallarda o dəyişdirilə bilər.

3. Zəmanət müddəti malın (işin, xidmətin) pasportunda və ya nişanlama kağızında (yarlıqda), yaxud mala (işə xidmətə) əlavə olunan digər sənəddə göstərilir
4. İstehlakçı malın qüsurunun əvəzsiz olaraq aradan qaldırılmasını tələb edərsə, qüsur 14 gün ərzində və ya tərəflərin razılığı ilə başqa müddətdə aradan qaldırılmalıdır.
5. Avadanlıq yalnız tam komplektində, orginal xarici görünüşünə və daxili parametrlərinə uyğun olmalıdır.
6. Avadanlıqda fiziki xəsarət və təmir izləri aşkar olunduqda, avadanlıq zəmanətli təmirə qəbul edilmir.
7. Zəmanət müddətində qeyri düzgün istifadə nəticəsində yaranmış zədələnmələrə, ehtiyyatsız yanaşma, qeyri düzgün sazlanma, qurulma zamanında yaranmış zədələnmələr, Mainboard, VGA, HDD, CPU, RAM və s üzərində deformasiya olmuş elementlər (mikrosxemlər və kondensatorlar) aşkarlansa zəmanətli təmirə qəbul edilmir.
8. Məhdud istifadə müddəti olan hissələrə (Keyboard, Mouse, Webcamera, Səs qurğuları) zəmanət edilmir. Qanunvericiliyə uyğun olaraq alınan gündən etibarən 14 gün müddətində problem yaranarsa, qaytarıla və ya dəyişdirilə bilər.
9. Kompüterlərin qida blokuna, Notebook-ların adapterlərinə və digər (kartriclər, rəngli lentlər, disk və disketlər, batareyalar, notebook touchpadları) hissələrinə zəmanət verilmir.
10. Elektrik siçrayışı və azalması nəticəsində zədələnən hissələrə zəmanət verilmir.
11. Printer və çap qurğularını yalnız original katriclər və rənglərlə istifadə edin. Doldurulmuş katriclərin çapına görə biz məsuliyyət daşımırıq.
12. Zəmanət təmiri həmin avadanlığın servisə qəbul edildiyi tarixdən etibarən 14 (On dörd) gün (avadanlığın tipindən asılı olaraq 45 günə qədər uzadıla bilər) ərzində yerinə yetirilir.
13. Avadanlığın təmiri göstərilən müddət ərzində mümkün olmadıqda, analoji olaraq yenisi ilə əvəzlənir.
14. Proqram təminatına zəmanət verilmir. (Yalnız bizdən alınmış lisenziyalı proqramlar istisna olmaqla)
15. Oyun zamanı FPS artıb azalmasına zəmanət verilmir. Çünki istifadəçidə və o an baş verən səhnəyə görə FPS oynaması ola bilər.
16. Qüsurlu mal lazımi keyfiyyətli, eyni modelli (markalı, tipli və i. a.) mala dəyişdirilərkən qiymət dəyişərsə, istehlakçı qiymət fərqini ödəmir
17. Zəmanətli təmir aparılarkən malın (işin, xidmətin) zəmanət müddəti onun təmirdə olduğu müddət qədər uzadılır. Göstərilən müddət istehlakçının qüsurları aradan qaldırmaq tələbini irəli sürdüyü gündən hesablanır. 
18. İstehlakçının malı dəyişmək tələbi mal olduqda dərhal yerinə yetirilməli, zərurət olduqda onun keyfiyyəti müvafiq tələb verilən andan 14 gün müddətində yoxlanılmalı və ya tərəflər arasında razılaşdırılmış müddət ərzində dəyişdirilməlidir.
19. Texniki savadı və biliyi olmayan şəxslərin və ya internet seqmentində göstərilən test və yaxud digər növ video çarxlar bizim üçün əsas hesab edilmir.
20. Zəmanət ilə verilən texnikanın üzərində görülən iş və digər məlumatlatı saytımızın Servis və Zəmanət bölməsində online olaraq görə bilərsiniz. Sizə verilən talondakı seriya nömrəsini qeyd etməklə siz öz texnikanız haqqında daha dolğun məlumat əldə edə bilərsiniz.

Alıcıların nəzərinə: - Məhsul alarkən onun yoxlanılmasını və zəmanət talonunun düzgün doldurulmasını tələb edin. - Zəmanət talonu diqqətlə oxunmalı, zəmanət şərtlərini qəbul etdiyi alıcı öz imzası ilə təsdiq etməlidir. - Zəmanət talonu təqdim edilmədiyi təqdirdə zəmanətli təmir edilə bilməz